Кері қайту
Басып шығару
Маңғыстау облысындағы қуаңшылық мәселесін шешуге бюджеттен 200 млн теңге бөлінді
Маңғыстау облысындағы қуаңшылық мәселесін шешу үшін аймақ қазынасынан 200 млн теңге бөлінді. Аймақтың ауыл шаруашылығы басқармасының басшысы Серік Қалдығұлов шілде айынан бастап 5 ауданға азық сатып алынатынын айтты.
«Келесі айдан бастап жыл соңына дейін Маңғыстау облысының 5 ауданына 2200 тонна азық сатып алынады. Бөлінген қаржы «Каспий» ӘКК арқылы игеріледі. Ал көрші өңірлердің жекеменшік иелері 15 маусымнан бастап шөп жеткізуге дайын», - деді Серік Қалдығұлов.
Облыс әкімінің тапсырмасымен шаруа қожалықтарына жем-шөп дайындау науқаны қолға алынды. Аймақ әкімдігі Қостанай, Батыс Қазақстан және Ақтөбе облыстарымен жем-шөп жеткізу, сондай-ақ жайылымдар мен шабындықтарды пайдалану жөнінде келіссөздерді бастап кетті.