Елордадағы туристік орталыққа триллион теңге жұмсалмақ
2022 жылы Нұр-Сұлтан қаласында алғашқы көпфункционалды туристік кешен ашылады деп жоспарлануда. Бұл туралы ҚР Премьер-министрінің баспасөз қызметі хабарлады.
Бұл ақпаратқа сенсек, туристік кешен «Астана – жаңа қала» арнайы экономикалық аймағында салынады екен. Жоба құны 1 триллион теңгеге бағаланып отыр.
«Құрылыстың инвесторы – БАӘ-тен келген деволопер Ellington Properties Development LLC, бас мердігер – Renaissance Construction», - деп жазылған хабарламада.
Туистік кешеннің жалпы аумағы 2,6 миллион шаршы метр, құрылыс территориясы 333 гектар болмақ. Оның ішіне 15 мың шаршы метрді құрайтын аквапарк, ойын алаңдары, саябақтар, кеңселік және коммерциялық ғимараттар, қонақ үйлер, қоғамдық және тұрғын үй нысандары салынады.
Жобаның аумағы 29 гектарды құрайтын алғашқы бөлігі 2022 жылы іскңе қосылады деп күтілуде. Туристік кешен 2 мың адамды тұрақты, 21,3 мың адамды уақытша жұмыспен қамтиды екен.