Сенат спикері жыл қорытындысын шығарды

Сенат Төрағасы Мәулен Әшімбаев палатаның 2020 жылғы қорытынды жалпы отырысын өткізді.

 Оның айтуынша, биыл депутаттар ерекше белсенділік танытты.

«Биыл парламентте 110 заң қабылданды. Оның 30-ға жуығы депутаттардың бастамасы болды.

Заң шығару жұмысында әр жоба Сенаттың тұрақты комитеттерінде қоғамның пікірлері мен ұсыныстарын ескере отырып егжей-тегжейлі талқыланды. Бұл түзетулер біздің еліміздің әрбір азаматының өмір сүру деңгейін жақсартуға бағытталған», - деді Сенат спикері.

Сонымен қатар, ол пандемияның салдарын жою және экономикалық өсімді қалпына келтіру жөніндегі Президенттің жолдауын жүзеге асыруға бағытталған түзетулердің маңыздылығын атап өтті.

«Биылғы жылы парламент жаңа редакцияда үш кодексті қабылдады. Оның ішінде қоғамдағы денсаулық сақтау жүйесі туралы Экокодекс кеңінен талқыланды. Мемлекет басшысының жолдауында берілген тапсырмаларға сәйкес әкімшілік процедуралық кодекс қабылданды. Осы айда біз  экологиялық кодексті қабылдадық», - деп атап өтті Әшімбаев.

Палата спикері парламент алдында алдағы жылға маңызды міндеттер тұрғанын да атап өтті. Атап айтқанда, депутаттардың алдында жаңа әлеуметтік кодекс пен әлеуметтік кәсіпкерлік туралы заң бойынша ауқымды жұмыстар болады.  Пандемия мен экономикалық өсім мәселелері де күн тәртібінде қалады.

«2021 жыл - бұл Қазақстанның қоғамдық-саяси және рухани өмірі үшін өте жауапты және ерекше жыл. 10 қаңтарда Парламент Мәжілісі мен Мәслихаттар депутаттарының сайлауы өтеді. Біздің халқымыз да ел жылнамасындағы маңызды датаны - Тәуелсіздіктің 30 жылдығын атап өтеді. Осы міндеттерді жүзеге асыруда сәттілік тілеймін», - деді Сенат төрағасы.

Мәулен Әшімбаев  қазақстандықтарды келе жатқан Жаңа жылмен құттықтады. Келесі жыл мұқым елге жақсы жыл болуын тіледі.