Қазақстандағы кедейлік деңгейі соңғы бес жылда 1,5 есеге жоғарылаған

Бұл туралы мәлімет ҚР Ұлттық экономика министрлігінің Статистика комитетінің «Еңбек және Қазақстандағы халықтың өмір сүру деңгейі» атты буклетінде көрсетілген. 

2018 жылы бір адам азық-түлік пен сусындарды сатып алу үшін 271812 теңге, үйден тысқары тамақтану үшін 12911 теңге, ішімдікке 4446 теңге, темекі үшін 8839 теңге, коммуналдық қызметтерді төлеу,үйдің жөндеу жұмыстарына 38587 теңге, ем алу үшін және дәрі-дәрмекке 7470 теңге, автокөлік пен оның қосалқы бөлшектеріне және жанармайға 23593 теңге жұмсапты-мыс. 

Аталмыш мекеменің «терең» зерттеулерінің арқасында басшылар азық-түліктер қатарынан халық сүт пен сүт өнімдерін, жұмыртқаны белсенді тұтынатын көрінеді.