Кері қайту
Басып шығару
Карантин кезінде қанша адам жұмыссыз отырды?
Елімізде карантин кезінде 1,3 миллион адам жұмыссыз отырған. Бұл туралы «Атамекен» ҰКП басқарма төрағасының орынбасары Эльдар Жұмағазиев айтты.
Оның айтуынша, кеше Үкімет басшысы Асқар Маминнің төрағалығымен мемлекеттік комиссиясының отырысы өткен.
«Онда карантиндік нормаларды жеңілдету туралы шешім қабылданды. 830 мың бизнес нысаны осы күнге дейін жұмыс істемеді. Шамамен 1,3 миллион адам жұмыссыз отырды. Енді осы қабылданған шараларға байланысты көптеген бизнес түрлері жұмыс істеуге мүмкіндік алады. Яғни, 17 тамыздан бастап», - дейді ол орталық коммуникациялар қызметінде өткен баспасөз мәслихатында.