Нұр-Сұлтан әуежайының коды өзгерді

2020 жылдың 8-маусымынан бастап әуе билеттерін брондайтын барлық жүйелерде, билеттерде, жүк биркаларында, ақпараттық тақталарда Нұр-Сұлтан әуежайының коды NQZ болып жазылады. 
Нұр-Сұлтан әуежайы Халықаралық әуе көліктері ассоциациясындағы (IATA) үш әріпті кодты ресми түрде өткізді. 
Үш әріпті код нені білдіреді?
Әрбір әуежайда IATA коды болуы тиіс. Қысқартылған әуежай атауы түрлі авиациялық жүйелерде қолданылады. Әдетте қаланың немесе әуежайдың атына берілген код сирек өзгертіледі. 
1961 жылдан бастап, қаланың Целиноград аталатын уақытынан бері әуежайдың коды TSE болып қолданылып жүрді. Аталмыш код 2020 жылдың 7-маусымына дейін жұмыс істеді. Айта кетелік, кодтың өзгеруі билет құнына әсер етпейді.