Рейтинг: Коронавирусқа қарсы күрес бойынша Қазақстан нешінші орында?

Біріккен Ұлттар Ұйымы коронавирус пандемиясымен күреске дайындығы мықты елдердің тізімін жасады. Аталған рейтингте Қазақстан Ресей (49) мен Беларусьтан (50) кейінгі 51-орынды иеленді. 

Коронавирус пандемиясына дайын болған елдердің тізімінде Норвегия көш бастаса, екінші орынды Швейцария алып, үздік үштікті Ирландия түйіндеп тұр. Әрі қарай ретімен Германия, Гонконг, Австралия, Исландия, Швеция, Сингапур, Нидерланды жайғасқан. Бұл – үздік ондық. 

АҚШ БҰҰ рейтингінде 16-шы орынды қанағат тұтты. Үздік жиырма мемлекет ішіне Бельгия, Лихтенштейн, Жапония және Австрия кірді. 

Ал пандемиямен күреске мүлде дайындығы жоқ елдер: Чад Республикасы, ОАР және Нигерия. 

Рейтингті құрастыру кезінде басты назар даму деңгейіне, денсаулық сақтау жүйесінің жағдайына, сондай-ақ, интернетке қолжетімділігіне аударылды.