Алыпсатарлардан тәркіленген маска қайда кетіп жатыр?

Алматы қаласында медициналық маскалар мен антисептикалық заттарды бағасын асқақтата сатқан алаяқтарға қатысты бірқатар рейд жүргізілді. Рейд барысында алаяқтық жолмен маскаларды табыс көзіне айналдыруға ниет еткен құқық бұзушылар анықталып, 3 миллион дана медициналық маска тәркіленді. 

Төтенше жағдай жөніндегі мемлекеттік комиссия шешімімен тәркіленген маскалар Алматы қаласы Денсаулық сақтау басқармасының құзырына өткізілді. 

Тәркіленген 3 миллион маска қаладағы санитарлық-эпидемиялық шаралар күшейтілген медициналық ұйымдарға берілмек. Сондай-ақ, 2 миллион данадан астам маска Алматы қалалық Қоғамдық денсаулық басқармасына берілді. Басқармадағылар қорғаныш құралдарын науқастармен жұмыс жасайтын мамандарға таратпақ. Маскаға қарық болғандар ішінде эпидемиологтар, күштік құрылым қызметкерлері де бар.