АҚШ Сауд Арабиясымен бірігуге мүдделі
АҚШ-тың Энергетика министрлігінің шенеуніктері Ақ үйдегі басшыларды мұнайдың халықаралық бағасын қадағалау үшін Сауд Арабиясымен бірігуге үгіттеуде.
Тараптар жаңа келісімшарт арқылы мұнайдың бағасын тұрақтандыруды көздеп отыр. АҚШ Энергетика министрлігі ОПЕК+ келісімі күшін жойғаннан кейін Эр-Рияд мұнай келісіміне бірқатар өзгерістер енгізіп, Мәскеуді аттап өтіп Вашингтонға жақындауы ықтимал.
Энергетика министрлігінің бұл ұсынысы әлі бекітілмеген, талқылану үстінде екенін айта кеткен жөн.
19-наурыз күні АҚШ президенті Дональд Трамп Вашингтонның Сауд Арабиясы мен Ресей арасындағы шиеленіскен «мұнай соғысына» кірісетініне уәде берген. Ал АҚШ «уақыты келгенде» бұл мәселеге араласпақ.
«Біз жағдайға бақылау жасай аламыз және дұрыс шешім қабылдауға тырысамыз», - деді президент.
Америкалық мұнай индустриясы қазіргі халықаралық экономиканың құлдырауынан, мұнай бағасының түсуінен зардап шегуде.