Ғалымдар: ХХІ ғасырдың соңында адамдар 132 жасқа дейін өмір сүреді

  • 03 июл, 16:25
  • Көрілім: 56

Американдық ғалымдар ХХІ ғасырдың аяғында адамның ең жоғары өмір сүру ұзақтығы 125-132 жасты құрауы мүмкін екенін анықтады.  

Вашингтон университетінің ғалымдары статистикалық модельдеу арқылы 2100 жылға қарай адамдардың өмір сүру ұзақтығын бағалауға тырысты. Оған бірнеше параметрлер кірді: медицинаның дамуы, генетика және басқа да факторлар. 

110 жастан асқан егде жастағы адамдар үшін тіршілік етудің экспоненциалды моделін және ұзақ өмір сүру жөніндегі халықаралық мәліметтер базасындағы (IDL) ең соңғы мәліметтерді қолдана отырып ХХІ  ғасырдың аяғында кейбір адамдар 125-132 жасқа дейін өмір сүре алады деген қорытындыға келді. Адамның 126 жасқа дейінгі өмір сүру ықтималдығы 89 пайызды, ал 130 жасқа дейінгі өмір сүруі 13 пайызды құрайды.

Біз қарттар үшін тіршілік етудің экспоненциалды моделі IDL мәліметтеріне сәйкес келетіндігін және 2080 жылға дейін 110-114 жас аралығындағы адамдардың өмір сүруі ақылға қонымды екенін анықтадық, - дейді ғалымдар.

Қазір әлемдегі ең ұзақ өмір сүрген адам – 2021 жылдың қаңтарында 118 жасын тойлаған жапондық Кейн Танака.

Сурет: mintrudtuva.ru

Сондай-ақ оқыңыз

Пікір қалдыру