Нақты жауап: Тоқаев несие мәселесін жеңілдетті

  • 23 мар, 17:18
  • Көрілім: 27 605


Қазақстан аймағында 16-наурыздан бастап енгізілген Төтенше жағдай режиміне байланысты барлық азаматтардың несиесі кейінге шегеріледі. Бұл туралы мемлекет басшысы Қасым-Жомарт Тоқаев айтты

Қасым-Жомарт Тоқаев Төтенше жағдай жөніндегі Мемлекеттік комиссияның отырысын өткізді. 

«Төтенше жағдай уақытында айыппұл мен пайыздық үстемақы төлеуге қойылған шектеуден бөлек, азаматтардың негізгі қарызын да төлеу тоқтатылады», - деді президент. 

Сондай-ақ, ол банктердің бұл шешіміне оң көзқарас танытып, халық басына күн туған уақытта қолдау білдіретініне сенетінін жеткізд. 

«Азаматтардың қаржы мәселесі қиындаған уақытта банктерге, микроқаржы ұйымдарына, ломбардтарға жүгінетіні белгілі. Сондықтан, аталған секторда тәртіп орнату керек. Халықты алдауға жол берілмесін», - деді мемлекет басшысы. 

Президент Қаржы нарығын реттеу және қадағалау агенттігіне, Бас прокуратураға, Ақпарат және қоғамдық даму министрлігіне заң талаптарының сақталуын бақылап, тәртіп бұзғандарды қатаң жазалап және БАҚ-та жариялауға тапсырма берді. 

«Бұл акция азаматтардың құқығын мемлекет әрдайым қолдайтынын көрсету үшін қажет», - деді ол. 

Айта кетейік, 16-наурыздан бастап коронавирустың таралуының алдын алу мақсатында Қазақстан территориясында төтенше жағдай режимі жарияланды. 

Сондай-ақ оқыңыз

Пікір қалдыру